無題

都有2個月冇打blog，因為前個排唔想打...
但今日有野想講，先黎打2句隨筆，大家就讓我用文字發下癲吧...
今日amths測左驗，我一個人係屋企諗左好多野。諗緊我究竟咩事。我對住自己7科完全提唔起勁，覺得自己根本不是讀書的料。更完全的認為自己是選錯科了，之前在安慰自己:唔選都選左,點都要讀埋佢。但我對住d科根本提唔到興趣，就算心中點催谷自己，但行動上仍然係勁hea。
中英文:講真，超唔中意，如果唔係最重要的科我真係完全唔想理
數學: ok易既,最輕鬆既一科
化學:悶爆
物理:聽書個陣容易，做落唔知咩事
生物:某d題材有興趣..其他都ok少少啦...
a maths : 做到條數還好，做唔到個陣.....極討厭
究竟我係唔中意呢d科定我唔係讀書材料呢?
我已經係咁叫自己做某樣野，但係永遠都係做唔到，永遠都係去左睇其他野。我極少可以坐係度做功課或者溫習超過2小時(考試時除外)，永遠都係做做下就去左玩、睇電視或者上網。之前以為自己係打機或者上網上左癮。點知呢排我係唔打機上網。但係可以翻睇高達一睇睇成個鐘。究竟我係對d科冇興趣定係對學習集中唔到呢？
宜家淨係希望有人可以點醒我，教我點做。