藝術之旅

今日我班參加了一個活動,名為「藝術之旅」。是次活動我們會去到演藝學院參觀及在香港大會堂看一套舞台劇。

首先,我們在車上聽左導游講關於參觀既細節同埋八大藝術。唔講唔知,原來生活中好多野都係藝術。到左演藝學院後,我地去左唔同地方參觀,識左好多關於戲劇既元素同實質的硬件等。我終於明白點解導師叫我地唔好亂走,入面真係好似個迷宮,冇人帶住你,9成會唔識路走番出去。沿途中我們有講有笑,活動時亦好認真投入。因為安排的節目是不錯的,不同一般既參觀活動。之後我地咁多組就表演左大家排出黎既Drama,我反串做嫦娥。我認為我地組做得不錯,但唔明點解其他組可以郁,我地個導師講明話要定格。

其後,我地食左個自助餐,d野食一般。但係我地幾個男仔就係講d屎呀尿呀的物體@@。之後就又搭車去到香港大會堂,個度都好多人。我地睇既劇係--<<相約星期二>>,一套只得2個演員演既舞台劇。雖然只得簡單既佈置,但簡單既佈置反而令人更注重二人既對話。此劇帶出的意義十分多,但至少令我明白到寬恕是十分重要的,二個互相認識的人唔應該因小小既事而去嬲對方。劇終後導演來講話亦令我識到好多戲劇的技巧,例如點樣令觀眾眼球郁下,等佢地冇咁攰。

最後我們便走了,在車上,聽埋導游第三次既說話後我便回家了打左呢篇野=P

在此多謝我地Group5既導師Jenus,佢教識左我地何謂真正既做戲,亦令我地組經常可以第一組到、第一組走、第一組表演同第一組食野。亦都多謝埋個個唔知咩名既導游,佢都講左好多。

錄音影片:http://www.veoh.com/videos/v14146880xQkyWF4s
相片如下: