獨木舟

經過2次游水,期待左好耐既獨木舟今日終於有得玩。

到左場地後,先發覺設施比想像中差,有d失望。原本以為會有陽光與海灘,水清沙幼。但個度有陽光冇海灘,水唔清沙就唔知幼唔幼。仲要個度冇廁所,要出去用公廁,公廁內的蚊子令我畢生難忘。我發誓我永遠都唔會再入去。但總括而言,訓練既質素都唔係太差。

我地一開始講解左點上落艇之後就開始學前進後退等既技巧,到左中午時有個小小測驗,我意外地合格左=p
食完野,到左下午,戲肉真正黎了。就係反艇既技巧,係度等緊反艇既時候,本身已頗為緊張,加上濕透既身子遇上陣陣寒風,更添我想早回既感覺。反完艇之後,反而覺得幾好玩,但礙於太凍,都係冇反多次。
之後我隨教練爬回去,一路爬爬爬,感覺好好。

之後沖完涼換完3就乘車回家了。今日真的好攰,但係又學到新野,仲有這次好好玩,希望以後仲有機會。